Norsk English

Opning undomsutstillinga Inspirert 1814

Asbjørnsløa

14.05.2014 12:00

Agatunet inviterar til opning av ungdomdutstillinga Inspirert 1814 onsdag 14. mai kl 12.00! I samband med Grunnlovsjubileet 2014 er alle ungdomsskulane i Hardanger invitert med i eitt felles kunstprosjekt.

Kvar skule eller klasse har valt eit kjent norsk kunstverk - eitt som dei ser som sentralt i samband med indentitetsbygginga av Noreg og/eller som kunsthistorisk viktig i denne perioden. Med utgangspunkt i dette biletet skapar klassen eit nytt verk.   

Mål med prosjektet er å nytta det nasjonale Grunnlovsjubileet 2014 til å setja fokus på norsk kunsthistorie dei viktige siste 200 åra, og å samla alle ungdomsskular i Hardanger i eitt felles utstillingsprosjekt.
 
Prosjektet inngår i Grunnlovsjubileet 2014. Verka vert stilte ut i Asbjørnsløa i Agatunet, eit godt eigna utstillingslokale. Utstillinga vil stå frå midten av mai til midten av august.

Program:
Opning ved Jørn Øyrehagen Sunde, professor i rettshistorie og tidlegare omvisar i Agatunet.
Musikalske innslag ved Amalie Kinsarvik, toradar, og Sara Nå Aga, song og Håvard Sivertsen, gitar.
Urframføring av Nærlyd ved fjorden
Omvising i utstillingane

Sal av mat

Prosjektet er støtta av Hardanger 2014 og Sparebankstiftinga Hardanger

logo Hardanger 200